RUS
SMARTNEWS.KZ басылымының хабарлауынша, Ішкі істер министрінің орынбасары Санжар Әділов жыл соңына қарай полицияның жасөспірім Шерзат Болатты өлтіру ісіне қатысты тергеуді аяқтайтынын мәлімдеді.
Санжар Әділов қылмысқа қатысы барлардың жазаланатынын жеткізді.
«Жыл соңына дейін біз барлық сараптамаларды алып, барлық тергеу әрекеттерін аяқтаймыз. Осы қылмыстық істің 11 қатысушысы қамауда болады. Олардың барлығы жауапқа тартылады.
Прокурордың келісімі бойынша түпкілікті айып тағылады, әрі қылмыстық іс материалдарын қылмыстық процеске қатысушыларға таныстырамыз», – деді ол.
Айта кетейік, бұған дейін Талғарда жаппай төбелес болып, салдарынан 16 жастағы Шерзат Болат көз жұмған еді. Кейін жасөсіпірімнің өлімінен кейін Шерзат Болаттың үйін белгісіз біреулер өртеп кетті.
Ал күні кеше Талғардың шетінен Нұрғанат Ғайыпбаевтың денесі табылды. Осы жайттан соң Шерзаттың ашынған әкесі журналисттердің келуін талап етіп, қолына пышақ ұстап өзіне тақап, полицейлерден жауап сұрады. Алайда кейін Қаржаубай Нұрымов “Бұзақылық” бабы бойынша сотталып, 15 тәулікке қамауға алынды.