RUS
SMARTNEWS.KZ басылымының хабарлауынша, танымал әнші Қайрат Нұртастың анасы Гүлзира Айдарбекова халыққа алғыс білдірді. Бұл туралы Stan.kz жазды.
Шоу-бизнес өкілі ұлының жанды дауыста ғана ән салатынын тағы бір мәрте атап өтті.
“Сіздер үшін тек жанды дауыста ән салады. Фонограммамен айтпайды. “Күндестің күні – қоңырау, соңымнан еріп әлі жүр” демекші өсекті қойыңыздар! Қара термен келген еңбекті бағалайтын кез болды. Өсекті қоштамай, сәл көзді ашып, қошеметтейтін уақыттарыңыз болды”, – деп жазды Гүлзира Үсенқызы.
Одан кейін Қайрат Нұртастың жыл қорытындысында алған марапаттарын да жариялады.
“Күні кеше “Аңыз адам” атағын алды. Өзі алған жоқ. Халық оған берді. Қолдайтын ел-жұрт ұсынды. Осыдан кейін “Аңыз адам” дей беріңдер! Ал мен тарихта қалуына себепкер бола берейін”, – деді продюсер.
