RUS
SMARTNEWS.KZ басылымының хабарлауынша, Бакуден Ресейдің Грозный қаласына қарай ұшып бара жатқан ұшақ Ақтау қаласына жақын маңда құлады.
Денсаулық сақтау министрі Ақмарал Әлназарова Ақтау маңындағы ұшақ апатына қатысты пікір білдірді. Министр Мәжілістің кулуарында БАҚ өкілдеріне тірі қалған адам санын айтты.
Арнайы ұшақ пен 4 бригада жедел жәрдем қызметі аттанды. Әзірге 6 адамның тірі қалғаны белгілі. Олардың жағдайы өте ауыр, - дейді Ақмарал Әлназарова.
Бұған дейін ұшақтың Embraer 190 ұшағы құстармен соқтығысқанын жазған едік.
Көлік министрлігі әуе кемесі Әзербайжанның Az Airlines компаниясына тиесілі екенін айтты. Ұшақтың құлаған сәті видеоға түсіп қалған.
Бұл ұшақ Azerbaijan Airlines авиакомпаниясына тиесілі. Оқиғаның мән-жайы нақтыланады. Арнайы тергеу жүргізіледі, - делінген ақпаратта.