«Сен – ең жақсы анасың»: Тележүргізуші Ақтаудағы ұшақ апатында қаза тапқан Гауһар Шаймерденова туралы

SMARTNEWS.KZ басылымының хабарлауынша, тележүргізуші Санди Сұлтан мен марқұм 9 жыл бұрын шешендік өнер курстарында танысқан. Гауһар мейірімді, қамқор, шынайы және тәуелсіз, еркіндікті сүйетін жан болған. Ол саяхаттауды жақсы көріп, нотариус болып жұмыс істеген. Ұлдарын ерекше жақсы көріп, анасына қамқорлық танытқан.

"Сен – ұлдарыңа ең керемет анасың. Сен – ең қамқор әрі сүйіспеншілікке толы қызсың. Сен – нағыз доссың. Менің өміріме жарқыраған сәуле сияқты кіріп, өзіңнің қуатты энергияңмен толтырдың… Бізде көп жоспар мен саяхаттар бар еді… Жүрегімдесің. Мәңгілікке... Сенің жарқын дауысыңды сағынамын, осында сақтаймын… Эльдар – кішкентай, бірақ өте қызғаншақ ер бала, сүйікті анасын күндіз де ұзақ уақытқа жібермейтін, үйге тезірек қайтуын талап ететін… Бүгін саған WhatsApp арқылы жауап күтіп хат жаздым… Бірақ, сен желіде таңғы 08:48-де болыпсың. Содан кейін кірмепсің, – деп жазды тележүргізуші әлеуметтік желіде.

Гаухар биыл 49 жасқа толған. Үлкен ұлы Аустралияда оқиды, бірінші курсты тәмамдаған, жақында елге оралған. Санди олардың отбасы болып араласқанын, Гаухардың достарына ерекше ықыласпен қарап, сыйлықтар әкелетінін айтты.

"Ол музыкант еді, ал Гауһар оған әрдайым қолдау көрсетіп, барынша көмектесетін", – деп қосты тележүргізуші.

Мәліметтерге сенсек, Гауһар нотариус болып жұмыс істеген. Гауһар кіші ұлымен бірге Грозныйдағы отбасылық достарына Жаңа жылды қарсы алуға ұшпақ болғанын жазған едік. Таңертең олар Астанадан Баку арқылы Грозныйға бағыт алған, себебі тікелей рейстер жоқ. Қайтыс болған марқұмның артында жұбайы, үлкен ұлы және анасы қалды.