RUS
SMARTNEWS.KZ басылымының хабарлауынша, Ақтау маңында құлаған ұшақта аман қалған әзірбайжандық азамат Нурулла Сираджов қазақ дәрігерлеріне алғысын айтты. Бұл туралы аман қалған жандардан сұхбат алған Әзірбайжанның Report порталы жеткізді.
Ол қазақстандық дәрігерлердің қамқорлық танытқанына ризашылығын білдірді.
“Менің саусағым сынған, оған гипс салып қойды. Көгерген жерлері бар. Қазақстанда біздің жағдайымызды жасап, барлығын істеді. Біз бәріне дән ризамыз. Бұдан асырып жағдайымды жасауы мүмкін емес”, – дейді Нурулла Сираджов.
Ер адам әйелін көргісі келетінін және оның жағдайы туралы ештеңе білмейтінін жеткізді.
“Әйелім туралы ештеңе білмеймін. Оның жағдайы белгісіз. Соны білсем деймін. Оны көргім келеді. Ұшақта бірге отырған болатынбыз. Бірақ апаттан кейін оны көрмедім. Бәрінен де әйелімді қатты сағындым”, – дейді азамат.