RUS
SMARTNEWS.KZ басылымының хабарлауынша, бүгін Астанада Қазақстан бокс федерациясы бокстан ересектер арасындағы Азия чемпионатының және жастар арасындағы әлем чемпионатының үздіктерін марапаттады.
Жүлделі орындардан көрінген боксшылар мен олардың бапкерлеріне қаржылай сыйақы табысталды. Халықаралық аламанда атой салған боксшыларға 3,5 млн, ал олардың бапкерлеріне 1,5 млн теңге табысталса, бұдан бөлек жүлделі орын алған былғары қолғап шеберлері 2 млн теңгемен, олардың бапкерлері 1 млн теңгемен марапатталды.
Солардың ішінде Азия чемпионатының қола жүлдегері, бес баланың анасы Әйгерім Сәттібаеваға ерекше құрмет көрсетілді. Жамбылдық спортшыға 5 млн теңгенің сертификаты берілді.
Естеріңізде болса, Таиландта өткен сары құрлық біріншілігінде Әйгерім 48 келіде барын салып, үздік үштікке енді. Қарсыласынан 13 жас үлкен болғанына қарамастан, бабында екенін аңғартты. Әйтпесе ол ұзақ үзілістен соң құрама сапына жақында ғана оралған.