RUS
SMARTNEWS.KZ басылымының хабарлауынша, министрлік жаңа жыл қарсаңында республиканың перзентханаларында 181 бала: оның ішінде 105 ұл мен 76 қыз дүниеге келгенін жеткізді. Сонымен қатар Маңғыстау облысында егіз туылды.
Мереке түнінде туған нәрестелердің көп саны Түркістан облысында тіркелді (34 сәби). Екінші орында – Алматы мен Алматы облысы тұр. Онда 17 нәресте дүниеге келген. Туу бойынша көшбасшылардың үштігінде Шымкент қаласы да бар. Мұнда 16 отбасы толықты.
Ал Астанада жаңа жыл қарсаңында 10 бала дүниеге келген. Қызық факт: өткен жылы бұл көрсеткіш бірдей болған.