Жаңа жыл қарсаңында жәдел жәрдем 27 мыңға жуық шақырту бойынша қызмет көрсеткен

SMARTNEWS.KZ басылымының хабарлауынша, Жаңа жыл қарсаңында еліміздегі шұғыл медициналық қызметтер тұрғындарға қызмет көрсету ұмысын жалғастарды.

Өткен жылдың желтоқсан айының соңғы тәулігінде еліміз бойынша жедел медициналық жәрдем пультіне тұрғындардан 27 мың шақырту түсті. Оның ішінде 17 мыңнан астам шақырту жеделділіктің 1 - 3-санатына тиесілі, 4-санат бойынша жедел жәрдем бригадалары 10 мыңнан астам рет шақыртуға шықты.

Бұл ретте ең көп шақыртулар Алматы облысында тіркелді – 3073, одан кейін Алматыда – 2800, Түркістанда – 2358 және Астанада жылдың соңғы күнінде жедел жәрдем 1942 шақыртуға шықты.

Биылғы 11 айда Қазақстандағы жедел медициналық жәрдем (ЖМЖ) бригадалары 7, 7 млн-нан астам шақыртуға қызмет көрсетті, оның ішінде 1-3-санат - 4,9 млн. шақыртуға және 4-санаттағы 2,8 млн. шақыртуға емханалардың жанындағы бригадалар қызмет көрсетті.

Өткен жылмен салыстырғанда шақыртулар санының артуына қарамастан, табысты реанимацияның негізгі көрсеткіші 7,1%-ға артып, барлық жағдайлардың 51,7%-на жетті.

Жедел медициналық жәрдем мемлекет кепілдік берген медициналық көмектің (ТМККК) шеңберінде көрсетіледі, азаматтар үшін әлі де тегін және тәулік бойы, аптасына жеті күн қолжетімді болып қалады.

Қазіргі уақытта ел бойынша жедел медициналық жәрдем қызметін 20 дербес станция, 98 қалалық кіші станция және 232 аудандық бөлімше ұсынады.

- Облыстық және қалалық жедел жәрдем станцияларында бір ауысымда 1 491 көшпелі бригада жұмыс істейді, МСАК ұйымдарының (емхана) жанындағы жеделділіктің 4-санатындағы шақыртуларға қызмет көрсету үшін 446 бригада жұмыс істейді, - делінген хабарламада.