RUS
SMARTNEWS.KZ басылымының хабарлауынша, Алматыдағы тұрғын үй кешенінің біріндегі күзетшіні сабап өлтірді күдікпен ұсталған адамның ісі сотқа жетті.
Күдікті қылмыстық кодексінің 99-бабының 2-бөлігінің 5-ші тармағы (аса қатыгездікпен кісі өлтіру) және 147-баптың 5-бөлігі (адамның жеке өмірі туралы ақпаратты оның келісімінсіз тарату) бойынша айыпталған.
Бірінші эпизод бойынша сотталушы 2024 жылдың наурыз айында Алматыдағы тұрғын үй кешендерінің бірінің күзетшісін өлтірді деп айыпталуда. Сонымен қатар тергеу сотталушыны өзінің танысы А-ға қатысты әлеуметтік желілер арқылы порнографиялық бейнероликтерді таратқаны үшін айыптайды, – деп хабарлайды сот.
Сот өтетін күн әлі нақтыланған жоқ.
Айта кетейік, ер адамның көршілерінің айтуынша, ол есірткіге әуес болған.