RUS
SMARTNEWS.KZ басылымының хабарлауынша, Энергетика министрі Алмасадам Сәтқалиев Үкімет отырысында Қазақстанда жұмысшы мамандықтарының 43 кәсіби стандарты іске қосылғанын айтты. Ол жаңа мамандықтар мен біліктіліктер табылып, сол бойынша салалық кеңестердің жұмысы жанданатынын хабарлаған.
Министр биыл энергетика саласында жаңа мамандықтар бойынша 4 кәсіби стандарт әзірленетінін айтты. Сондай-ақ 29 кәсіби стандарт, оның ішінде атом саласында жаңартылмақ.
Ведомство Оқу-ағарту министрлігімен бірлесіп, 61 жоғары оқу орны мен 200-ден астам колледжді қамтитын кадрлар даярлау жұмыстары қолға алынып, онда ОЭК мамандарын даярлау жұмысы жүргізіліп жатыр.
Энергетика үшін кадр даярлауды 40 жоғары оқу орны мен 215 колледж жүзеге асырады. Мұнда электр энергетикасы, жылу энергетикасы, жаңартылатын энергия саласындағы 7 мамандық бойынша 19 мыңға жуық студент оқитын болады.
Электр генерациясының жаңа нысандарының құрылысын, тұтынудың белсенді өсуін және экономиканың дамуын ескере отырып, 2030 жылға дейін сұранысқа ие мамандықтардың тек энергетикаға деген қажеттілігі 20 мыңнан асады деп болжам жасалып отыр.
АЭС құрылысын қолдау мақсатында отандық колледждер базасында білікті мамандар даярлау үшін салалық мамандықтар ашылатын болады.
«Министрліктің ведомстволық бағынышты ұйымдары – Ұлттық ядролық орталық мен Ядролық физика институты бірігіп, электротехника колледждерімен тығыз байланысты жүзеге асырмақ. Олар колледж студенттерінің ядролық мамандықтар бойынша өндірістік тәжірибе өткізу базасы болады», — деп нақтылады Алмасадам Сәтқалиев.