RUS
SMARTNEWS.KZ басылымының хабарлауынша, Ресеймен шектесетін Атырау облысы Құрманғазы ауданында жаппай төбелес болды.
Төбелеске екі ауылдың жігіттері арасында өзара алауыздық себеп болған.
29 желтоқсан күні Жаңаауыл атты ауылдан 30 адам Сафон ауылына келіп, ұрысты шешпек болған. Бірақ бейбіт жолмен шешілмеген ұрыс төбелеске жалғасқан. Бірнеше адам әртүрлі жарақат алып, аудандық ауруханаға жеткізілген. Қайтыс болған адам 29 жастағы ауыл тұрғыны екені белгілі болды.
Оқиғаға қатысқан барлық күдіктілер қолға түскен.
«Сотқа дейінгі тергеу басталды», – деп хабарлады Атырау облыстық полиция департаменті.