RUS
SMARTNEWS.KZ басылымының хабарлауынша, видеоға қатысты оқу-ағарту министрлігіне қарасты балалардың құқығын қорғау комитеті мәлімдеме жасады.
"Атырау облысындағы оқиғаға қатысты. Бұлай болмауы қажет. Оқу-ағарту министрлігінің Балалардың құқығын қорғау комитеті жағдайды бақылауға алды", – делінген хабарламада.
Министрлік қазір балаға қажет барлық көмек, оның ішінде кәсіби психологиялық қолдау көрсетіліп жатқанын хабарлады. Оқиға орнында облыстық балалар құқығы жөніндегі уәкіл жұмыс істеп жатыр.
"Баланың денсаулығы қауіп төндіретін кез келген мұндай әрекеттерге жол берілмейтінін атап өткен жөн. Министрлік Қазақстанда балалардың құқығын қорғауды қамтамасыз ететін заңдар мен ережелерді сақтау қажет екенін еске салады", – делінген хабарламада.
Еске салсақ, бұған дейін әлеуметтік желіде атыраулық емшінің кәмелет жасқа толмаған балаға “жын шығару” рәсімін өткізіп жатқаны түсірілген видео тараған еді.