Бүркіт пен Аиша тағы да балалы болатынын айтты (ВИДЕО)
Аяғы ауыр әйелінің дегенін жасап жүргенін айтты әнші.
SMARTNEWS.KZ басылымының хабарлауынша, Қазақстандық шоу-бизнестегі жарасымды жұптардың бірі Бүркіт пен Аиша жақында тағы да балалы болатынын хабарлады. Ерлі-зайыпты желідегілердің болжамын растап, төртінші сәбиін күтіп жүргендерін айтты. Бұл қуанышты жаңалығын әнші Instagram-дағы парақшасы арқылы жеткізді.
Жұлдызды әке отбасымен Балидегі демалыстан видео жариялап, оның астына ерекше жазба қалдырды.
"Әйеліңнің аяғы ауыр кезде бар қалауын орындайсың", - деп жазды Бүркіт.
Желі қолданушылары ерлі-зайыпты үшін қуанып, оларға жылы лебізін жарыса білдірді.
Айта кетейік, Бүркіт пен Аиша бүгінде үш баланы тәрбиелеп отыр. Кенже қызы Сафия 6 жаста. Әншілердің Омар және Зейн есімді ұлдары бар. Өнер иелерінің отау құрғанына 15 жыл болды.
Материал авторы
