RUS
SMARTNEWS.KZ басылымының хабарлауынша, Әзірбайжан желтоқсан айында Ақтау маңында апатқа ұшыраған Embraer 190 ұшағының бортсерігі туралы фильм түсіруге дайындалып жатыр. Бұл туралы Azertag.az жазды.
Басылымның мәліметінше, Әзірбайжан кинематографистер одағының хатшысы Зия Шихлинский 25 желтоқсанда Баку-Грозный бағытында ұшып бара жатып апатқа ұшыраған Embraer 190 ұшағының бортсерігі Хокума Алиеваның өмірі туралы деректі фильм түсіруге дайындалып жатыр.
«Бұл оның Әзірбайжан әуе жолдарының Embraer 190 ұшағымен болған қайғылы оқиға кезінде өз міндеттерін орындаудағы және жолаушылардың өмірін сақтап қалудағы ерекше кәсібилігін, батылдығы мен жұмысқа адалдығын мойындау», - делінген материалда.
Еске салсақ, 25 желтоқсанда Бакуден Грозныйға бет алған жолаушылар ұшағы Ақтау маңында апатқа ұшырады.