Маңғыстаудағы 19 жастағы сарбаздың өлімі: Сотта куәгер оқиғаның қалай болғанын айтып берді

16.01.2025, 15:55
1890
Маңғыстаудағы 19 жастағы сарбаздың өлімі: Сотта куәгер оқиғаның қалай болғанын айтып берді бейнежазбадан алынған кадр

Күдікті бетіме күле қарап тапаншаны басыма кезеді дейді куәгер.

SMARTNEWS.KZ басылымының хабарлауынша, Астанадағы қылмыстық істер бойынша ауданаралық әскери сотында 19 жастағы сарбаз Марат Барқұловтың өліміне қатысты сот отырысы жалғасып жатыр. Сотта куәгерлер оқиғаның қалай болғанын баяндап берді. 

Аталған іс бойынша "Батыс" аймақтық қолбасшылығы, 25744 әскери бөлімінің бұрынғы взвод командирі, лейтенант Дамир Досов күдікті деп танылған. Сот отырысында оқиға болған "Оймаша" полигонындағы сарбаздар мен әскерилер істің мән-жайын айтып берді. 

Сарбаз Махсым Дангаров сот отырысында оқ атылған сәт жайлы баяндады. Сөзінше, күдікті деп танылған Досов шатырға кіріп, іште болған сарбаздарға тапанша кезеген. 

"Мен лейтенант Досовтан қарындасыма қоңырау шалу үшін телефон сұрадым. Сосын Барқұлов та 10-15 минуттан кейін қоңырау шалып алу үшін телефон сұрады. Марат бала күнгі досы Данилге бейнеқоңырау арқылы хабарласқан. Шамамен 5 минуттай сөйлесті. Сол сәтте Досов шатырға кіріп келді де, бізді балағаттап, бәрімізге тапанша кезеді. Кейін тапаншаны төмен түсіріп, оқтап, атып жібергенде Барқұлов құлап түсті. Мен есеңгіреп қалдым, алғашқы көмек көрсетуге шамам болмады. Жедел жәрдем келген соң тамыр соғысы жоқ екенін айтты", – деді Дангаров.

Сотта жауап берген өзге куәгерлер де оқиға болғанға дейін күдікті Досовтың өзгелерге тапанша кезегенін жеткізді. 

"Мен сол күні кезекшіліктен шыққанмын. Кезекшілердің шатырында жатқан кезде Досов маған келіп, бетіме күле қарап тапаншаны басыма кезеді. Бұған дейін нұсқаулық кезінде тапаншаға оқ салынғанын көргенмін. Сондықтан абайсызда атылып кете ме деп қорқып, шатырдан жүгіріп шығып кеттім. 10-15 минуттан кейін оқ атылғанын естідім. Оқиға болған шатырға келгенімде жерде сарбаздың жатқанын, ал жанында Досовтың отырғанын көрдім", – деді Ержан Балтабаев.

Ал келесі куәгер Бекзат Жакен де нұсқаулық аяқталған соң 7 қыркүйек күні Досовтың тапанша кезегінен мәлімдеді. 

"Сағат 16:00 шамасында нұсқаулық болды. Майор Майлиев нұсқаулық жүргізді, ол жерде Дамир Досов, мен, соңғы кезекшілер болды. Досовқа тапаншамен кезекшілікке түсетінін, ойнауға болмайтынын айтты. Бұдан кейін біз шығып кеткенбіз. Шатырда болғанда Досов менің бетіме тапаншаны қаратты, "Мен не істеп жатырсың?" деп, үстелге қарай шегіндім. Досов шатырдан шығып кеткеннен кейін мен де сыртқа шықтым. Аз уақыт өткен соң оқ атылған даусын естідім. Ішке кіргенімде Барқұловтың жерде жатқанын көрдім, Досов оята алмай отырды. Беті қан. "Тірі ме?" деп сұрағанда "Тірі" деп айтты", – деді куәгер.

Ел Президенті ұландықты марапаттады Шерзат Болаттың досы неге оқиға орнынан қашып кеткенін түсіндірді Шерзаттың өліміне куәгер Эльмира Нұрбекова күдікті жігіттермен 2 күн бұрын танысқанын айтты «Төбелес біткен тұста пышақ ұстаған бір топ жігіт келді»: Шерзаттың досы сотта куәлік берді Ақтөбелік келіншектің ұлы анасының 600 мың теңгелік сақинасын балабақшадағы қызға сыйлап жіберген Алматы қаласында «Инклюзивті қала: шешімдер мен мүмкіндіктер» атты панельдік сессия өтті «Қыздар көре алмай жатыр»: Диана Скатова жеке өмірінен сыр шертті «20 жылға соттамақ»: Ресейде адыраспанмен ұсталған қазақстандық ер адам 8 ай қамауда отыр Шерзаттың анасы куәгер қыздардан жедел жәрдем шақыруын сұрағанда олардың тас лақтырғанын айтты Ауғанстанға Қазақстан 36 вагон көмек апарып берді «Маған «сені де өлтіреміз» деп айтты» – Шерзаттың анасы Гүлбара Бейшімбаева Мұхтар Шахановтың жұбайы Розалинда Шаханова өмірден озды Ресей елдегі шетелдіктердің ақша аударымдарын қадағаламақ Франция Қазақстан үшін виза режимін жеңілдетуді қолдады Ақтау қаласында көшені кеш бата салысымен шибөрілер кезетін болған (ВИДЕО) Жетімге тиесілі баспанада Ертіс ауданы әкімінің орынбасары тұрған Жаңаөзенде 11 сынып оқушылары шетелге оқуға түскен сыныптасын көре алмай оны ұрып тастаған Зеленский Қытайды Ресейге қару-жарақ жеткізді деп айыптады, кейін Путин Тоқаевпен байланысты Атырау маңында КамАЗ аударылып, ішіндегі мұнай жерге төгілді 13 жасар мектеп оқушысы мұғалімнің басынан балғамен ұрып, мектептен қашып кеткен (ВИДЕО)