RUS
SMARTNEWS.KZ басылымының хабарлауынша, Ақтөбе қаласындағы перзентханалардың бірінде бала сатуға қатысты қылмыстық іс тергеліп жатыр.
- Ақтөбе облысының полицейлері жаңа туған нәрестені перзентханада сату фактісі бойынша қылмыстық іс қозғады. Барлық мән-жайлар мен қатысы бар тұлғаларды анықтау үшін қажетті тергеу амалдары жүргізілуде, делінген облыстық полиция департаментінің хабарламасында.
Полицияның дерегінше, тергеу жалғасып жатыр.
Еске салайық, 2024 жылдың шілде айының басында Қазақстанда адам ұрлау, заңсыз бас бостандығынан айыру, адам, оның ішінде кәмелетке толмағандарды саудалау сияқты қылмыстар үшін қылмыстық жауапкершілікке тартуды көздейтін «Адам саудасына қарсы күрес туралы» заң қабылданған болатын.
ҚР Ішкі істер министрлігінің мәліметі бойынша, 2023 жылы республикада жаңа туған нәрестелерді сатудың 19 фактісі тіркеліп, ол үшін 15-тен астам адам жауапкершілікке тартылған. 2024 жылы жаңа туған нәрестелерді сатудың алты фактісі тіркелді. Ведомствоның мәліметінше, сомалар бір балаға 100 мың теңгеден 2 миллион теңгеге дейін (200 доллардан 4,5 мың долларға дейін) өзгереді.