RUS
SMARTNEWS.KZ басылымының хабарлауынша, Алматыда әуежай ішінде түкірген Қытай азаматына айыппұл салынды.
Алматы әуежайындағы желілік полиция бөлімі Алматы-Шымкент бағыты бойынша ұшпақ болған жолаушыны ұстады. Полицияның мәліметінше, 34 жастағы Қытай азаматы отырғызу кезінде әуежай ішінде түкіріп, қоғамдық орынды ластаған.
Құқық бұзушы жауапкершілікке тартылып, оған 5 АЕК (19 660 теңге) көлемінде айыппұл салынды. Сонымен қатар, ол рейстен шығарылды.
Көліктегі полиция басқармасы жыл басынан бері әртүрлі әкімшілік құқық бұзушылықтарды жасағаны үшін 5249 құқық бұзушы, оның ішінде 499-ы қоғамдық аумақтарды ластағаны үшін жауапкершілікке тартылғанын атап өтті.