RUS
SMARTNEWS.KZ басылымының хабарлауынша, Шымкентте 20 күн бұрын жоғалған жігіт өлі күйінде табылды. Бұл ақпаратты Шымкент полиция департаментінің баспасөз қызметі растады.
Ордабасы ауданында тұратын Бәйдібек Еділбек 14 қаңтарда жүргізуші куәлігін алу үшін Шымкент қаласына жолға шыққан. Сол күні түсте 20 жастағы жігіт әкесіне хабарласып, ауылға қайтатынын айтыпты. Арада бірнеше сағат өткен соң телефоны өшірулі болған. Содан бері екі апта өтсе де, жоғалған жігіттен әзірге ешқандай хабар жоқ.
Камераға қарасақ бері қарай аялдамаға жүрген кадры ғана бар. Одан басқа ешқандай хабар жоқ. 12 б немесе а-ға отырды деген ақпарат естідік, – деген болатын жігіттің туысы Әйгерім Әбітаева.
Жас жігіттен хабар ала алмаған жақындары қаланы аралап, ауруханалар мен мәйітханаларға да кіріп шыққан. Бірақ оны көрген-білген жан табылмай тұр. Шымкент қалалық полиция департаменті іздестіру жалғасып жатқанын жеткізді. Олар адам көп жүретін қоғамдық орындарды сүзіп шыққан.
Белгілі болғандай, ол соңғы рет Шымкент әуежайында досын шығарып салып, кейін қоғамдық көлікке отырған.
2025 жылдың 14 қаңтарында жігіт Түркістан облысы Ордабасы ауданынан Шымкентке жүргізуші куәлігін алу үшін келген. Сағат 14:37-де досын әуежайдан шығарып салған.
15:22-де оның бір телефоны "Қатын көпір" аялдамасы маңында сөнген, ал 16:00 шамасында екінші телефоны өшіп қалған. Соңғы рет әкесімен байланысып, ауылға қайтатынын хабарлаған. Осыдан кейін одан еш хабар болмады, – дейді туыстары.
Жоғалған жігіттің жақындары оны таба алмаған соң, 16 қаңтарда Тұран аудандық полиция бөліміне арыз түсірген.