RUS
SMARTNEWS.KZ басылымының хабарлауынша, өнер иесі сөз басын ұлының Қытай еліне жоспарланған ән сапарынан бастады.
"Қытайдың 17 қаласына 10 жылдан аса концерт өткізгенбіз. Үрімші, Тарбағатай, Алтай өңірлерінен бастап жылда сұраныс көп болады. Ол жақта қандасымыз өте көп. Бүкіл жергілікті тұрғындар қалмай келіп, ине шаншар орын болмайтын. Алдағы уақытқа шақырту алдық", - деп жазды продюсер.
Алайда желі қолданушылары "үлкен келіні мен балалары пәтер жалдап жүргенде неге концерт жоспарлайсыздар" деп сөкті. Гүлзира Үсенқызы оқырман сұрағын жауапсыз қалдырмады.
"Үйді сіз алып бермейтін шығарсыз?! Айналып келгенде жағдай жасайтын біз ғой. Бүгін болмаса ертең болар?! Алданса күресіп шыңдалады. Жас емес күресіп көрсін піссін, нәтиже шығарсын. Одан жаман болмайды. Түбі қарап қалмаймыз. Ұрпақ - менікі. Сіз былықтырып от үріп жайыңызға кететін адамсыз. Сол үшін керексіз жерге мұрын тығып тіміскіленбеңіз. Өзіңізде бәрі жақсы болсын, елді мүсіркейтін құдай емессіз. Біреудің отбасына есі кеткен түседі", - деп жазды медиа менеджер.
Еске салайық, Жұлдыз Әбдікәрімова ақшадан қиналып жүргенін мойындаған еді.