Өткен аптада ел аумағында үш мың қылмыс тіркелген
Өткен аптада Қазақстан аумағында үш мың қылмыс жасалды, деп хабарлайды smartnews.kz сайты.
Бұл туралы Ішкі істер министрлігінің онлайн-брифингісінде ведомство өкілі Шұғыла Тұрлыбек мәлім етті.
«Елдегі криминогендік жағдайға тоқталсақ, бір апта ішінде 3000 қылмыс жасалды, оның 1849-ы тәулік ішінде ашылды. Полиция қызметкерлері «ізін суытпай» 7 кісі өлтіруді, 4 өлімге әкеп соққан денсаулыққа қасақана ауыр зиян келтіруді, 1 қарақшылық, 31 тонау және 435 бөтен мүлікті ұрлау қылмыстарын ашты», - деді Шұғыла Тұрлыбек.