RUS
SMARTNEWS.KZ басылымының хабарлауынша, америкалық кәсіпкер Илон Маск өзінің X әлеуметтік желісіндегі парақшасында АҚШ президенті Дональд Трампты бір гетеросексуал ер адам екінші еркекті жақсы көретіндей жақсы көретінін айтты.
«Мен Дональд Трампты гетеросексуал ер адам басқа жігітті сүйе алатындай жақсы көремін», - деп жазды ол.
Тағы бір жазбасында Маск Трамптың тарихтағы ең жақсы президент екенін айтты.
Трамп Вашингтонда Жапония премьер-министрі Шигеру Ишибамен өткен баспасөз мәслихатында Масктың махаббат туралы мәлімдемесіне жауап берді.
Трамп әйелі Меланияның оны қызғанбайтынына сенім білдірді. «Менің ойымша, ол мұны көтере алады», - деді ол миллиардердің мойындауына әйелінің реакциясы туралы сұраққа.
Еске сала кетейік, бұған дейін The Washington Post газеті Маскты федералды үкіметті қаржыландыру туралы заң жобасын талқылау процесіне белсенді араласып, оның жабылу қаупіне әкелгенінен кейін Америка Құрама Штаттарының «көлеңкелі президенті» деп атаған болатын.
NBC бұған дейін Масктың үнемі Трамптың қасында болуы және оның мінез-құлқы ел көшбасшысына жақын адамдарды ашуландыра бастағанын хабарлады. Маск, олардың айтуынша, тең президент сияқты әрекет етеді.