Арыстанбек Мұхамедиұлы түрмеде аштық жариялады деген ақпарат өтірік боп шықты
Мұхамедиұлы желіде кінәсіз болғандықтан аштық жарияладым деген еді.
SMARTNEWS.KZ басылымының хабарлауынша, бұрынғы Мәдениет және спорт министрі Арыстанбек Мұхамедиұлы түрмеде жатып, аштық жариялағаны туралы мәлімет тараған.
Facebook-тегі парақшасында өзін кінәсіз деп санағандықтан аштық жариялағанын мәлімдеген еді.
Ішкі істер министрлігінің Қылмыстық-атқару жүйесі комитеті Мұхамедиұлының аштық жариялағаны туралы ақпаратты жоққа шығарды.
Ол қалыпты жағдайда тамақтанып жатыр, бұл бейнебақылау камералары арқылы расталған. Одан ешқандай арыз да, шағым да түскен жоқ. Сондай-ақ, белгіленген тәртіпке сәйкес, сотталған азаматтың қолында ұялы телефон жоқ, – деп мәлімдеді комитет өкілдері.
Қазіргі таңда оның атына әлеуметтік желіде жарияланған жазба бойынша тергеу жүргізіліп жатыр.
Материал авторы
