RUS
SMARTNEWS.KZ басылымының хабарлауынша, Астанада спорт алаңында темір қақпа құлап, 25 жастағы жігіт көз жұмды. Оқиға бейнебақылау камераларына түсіп қалған.
Қайғылы оқиға «Достық Арена» спорт алаңында болды. Әлеуметтік желіде тараған кадрларда жас жігіттің қақпаға асылып, кейін «көтеру» әрекетін жасағанын көруге болады. Осы кезде қақпа жігіттің үстіне құлады.
«Футбол алаңындағы ер адамның өліміне қатысты сотқа дейінгі тергеу басталды. Алдын ала мәлімет бойынша, жазатайым оқиға орын алған - ол ойын кезінде қақпаның алдында қолымен арқанға ілініп қалған, соның салдарынан конструкция аударылып, оны басып қалған. Оқиғаның барлық мән-жайын анықтау мақсатында кешенді тергеу шаралары жүргізілуде», - деп хабарлады полиция департаментінен.