RUS
SMARTNEWS.KZ басылымының хабарлауынша, әлеуметтік желіде бір топ ер адамның түрмеде билеп, көңіл көтеріп жатқаны бейнеленген видео тарады.
Оның үстіне ерлердің бірі екіншісіне майшам жағылған тортты береді. Авторлар мен комментаторлар видеоның кейіпкерлері Талғардағы жасөспірім Шерзат Болаттың өліміне қатысты іс бойынша күдікті деп отыр.
Алматы облысының полиция департаменті ақпаратқа қатысты түсініктеме берді.
"Уақытша ұстау изоляторынан қамауға алынғандардың бірінің туған күнін тойлап жатқан бейнежазбаның таралу фактісі бойынша жан-жақты тергеу жүргізілуде. Барлық кінәлі тұлғалар, соның ішінде басшылық қатаң жауапкершілікке тартылады. Тергеу барысы ерекше бақылауға алынды. Аталған құқық бұзушылықтың орын алуына ықпал еткен себептер мен жағдайларды жою шаралары қолға алынды", - делінген хабарламада.