RUS
SMARTNEWS.KZ басылымының хабарлауынша, Өзбекстан Республикасының Жоғарғы сотының баспасөз қызметінің мәліметінше, бұл қатыгез қылмыс 2024 жылғы 4 қазанда Самарқанд облысы, Нарпай ауданында орын алған.
Белгілі болғандай, айыпталушы әйел бұған дейін ата-ана құқығынан айырылып, ұлын мен қызын балалар үйіне тапсырған. Алайда, ұлы үйленген соң, «баратын жерім жоқ» деп, оның үйіне қайта оралған. Ұлы анасын қабылдап, тыныш өмір сүруін өтінген.
Алайда үйге оралғаннан кейін ене келінін күнде сөгіп, қорлап, намысына тиетін сөздер айтқан. Келін сол күні-ақ анасымен байланысып, енесінің қарым-қатынасы туралы айтып берген. Тіпті, қыздың анасы да бірнеше рет тойды тоқтатқысы келген, бірақ ақыры үйлену тойы өткен.
2024 жылдың қазан айында ұлы үйде болмаған кезде, айыпталушы келінімен жанжалдасып, оны қылқындыру үшін телефон қуаттағышының сымын пайдаланған. Кейін шыны банканы келінінің басына соғып сындырған. Онымен тоқтамай, қайшы алып, қыздың мойнына сұғып жіберген. Соңында асүйге барып, пышақ алып, келінінің кеудесіне бірнеше рет соққы жасаған. Жәбірленуші оқиға орнында қайтыс болған.
Қылмыс жасағаннан кейін әйел қашып кетуге тырысқан, бірақ ол ұсталды.
Сот оны Өзбекстан Республикасы Қылмыстық кодексінің 97-57-бабының 2-бөлігі («Аса қатыгездікпен жасалған қасақана кісі өлтіру және жеңіл жаза тағайындау») бойынша кінәлі деп танып, 13 жылға бас бостандығынан айырды.