АҚШ Трамптың туған күнін мемлекеттік мерекеге айналдырмақ
Дональд Трамптың туған күнін мемлекеттік мерекеге айналдыру жөнінде заң қаралады.
SMARTNEWS.KZ басылымының хабарлауынша, АҚШ-тағы Республикалық партияның Өкілдер палатасының өкілі Клаудия Тенни Конгреске президент Дональд Трамптың туған күнін мемлекеттік мерекеге айналдыру туралы ұсыныс жасады. Бұл туралы Тенни өзінің Х әлеуметтік желісіндегі парақшасында жазды.
Джордж Вашингтонның туған күні мемлекеттік мереке ретінде танылғандықтан, біз Американың алтын ғасырының негізін қалаушы ретіндегі еңбегін мойындау үшін президент Трамптың туған күнін де атап өтуіміз керек, - деп жазды Тенни.
Ол тиісті заң жобасы қарауға енгізілгенін айтты.
Дегенмен бұл ұсыныс желі қолданушыларының көңілінен шыққан жоқ.
«Бұл әзіл ме?», «Әрине, тойлаңыздар, сол арқылы азық-түлік бағасын төмендетуге болады», «Бұдан да маңызды жұмыстарыңыз бар шығар деп ойлаймын», - деп жазды көпшілік.
Бұған дейін қаңтарда республикалық конгрессмен Эддисон Макдауэлл де Вашингтондағы Даллес халықаралық әуежайын Трамптың атымен атауды ұсынған.
Материал авторы
