RUS
SMARTNEWS.KZ басылымының хабарлауынша, белгілі болғандай мектеп оқушыларының бірі жергілікті дүкеннен соя етінен жасалған «Лобстер» деп аталатын жеңіл тағам сатып алып, сыныптастарын тамақтандырған. Кейін балалардың бас айналу, жүрек айну, әлсіздік, кейбіреулерінің көзінен жас ағып, денелерінде бөртпелер пайда болғанына шағымдана бастаған. Бұл туралы Orda.kz жазды.
Балалар сол күні, яғни 18 ақпанда тамақтан улану диагнозымен ауруханаға түскен. Оның үстіне таяқшаларды жеген балалар ғана емес, олардың қасында жүрген сыныптастары да уланған. Олар қытайлық өнімнің өткір иісінен өздерін жайсыз сезінген.
– Аудандық ауруханада қазір тоғыз бала дәрігерлердің бақылауында. Олардың жетеуі өнімді жеді, екеуі жақын жерде, бір сыныпта болды. Жағдайы тұрақты. Балалардың өмірі мен денсаулығына қауіп төніп тұрған жоқ. Тәркіленген өнім сараптамаға жіберілді, тергеу жүріп жатыр, - деп хабарлады Ақтөбе облысының денсаулық сақтау басқармасынан.
Қалған мектеп оқушыларының жағдайы жақсарған соң үйлеріне жіберілді.
Ал, облыстық санитарлық-эпидемиологиялық қадағалау департаменті дүкенде растайтын құжатсыз қытайлық «Лобстер» сатылғанын атап өтті. Өнімдерде техникалық регламентке сәйкес таңбалар болмаған.
Оқиғадан кейін Ақтөбедегі дүкендерде қытай таяқшаларының бар-жоғы тексерілді.
– Тексерілген 45 дүкеннің екеуінен бұл өнімдер табылды. Ол зертханалық тексеруге жіберілді. Санитарлық-эпидемиологиялық қызмет қызметкерлері де түсіндіру жұмыстарын жүргізуде, дейді Ақтөбе облысы бойынша санитарлық-эпидемиологиялық бақылау департаментінің басшысы Райхан Қойшанова.