RUS
SMARTNEWS.KZ басылымының хабарлауынша, Талғарда кісі қолынан қаза тапқан Шерзат Болаттың өліміне қатысты тергеу аяқталып, іс сотқа жіберілген. Бұл туралы Алматы облысының Полиция департаменті хабарлады.
Тараптар қылмыстық іс материалдарымен толық танысты, іс сотқа жіберу үшін прокурорға жолданды. Тергеу барысында 40 сот сараптамасы жүргізіліп, 200 куәгерден жауап алынған. Қылмысқа қатысты 8 бейнематериал зерттелді.
Қылмыстық іс 62 томнан тұрады, оның ішінде барлық жиналған дәлелдемелер, сараптама қорытындылары, жауап алу хаттамалары және басқа да маңызды материалдар бар.