RUS
SMARTNEWS.KZ басылымының хабарлауынша, танымал продюсер Гүлзира Айдарбекова ұлы Қайрат Нұртасқа қатысты сынағандарға жауап берді. Бұл туралы Stan.kz жазды.
36 жасқа толған Қайрат Нұртас туған күні болған түні ата-анасының үйіне келіп, анасын құттықтаған еді. “Әйелі мен бала-шағасы қайда?!”, “Шешесінің қасынан шықпайды” деп әнші сынның астына қалған еді.
“Неге өз баламды өзімнен қызғанасыздар екен? Дұрыс, азамат алдымен анасына тағзым етеді. Өмір бергеніңіз үшін деп. Содан соң бала-шағасы, отбасымен тойлай береді. Түнде 12-ден аса маған келді, енді Алла бұйырса отбасына ұшты”, – деп жауап берді продюсер.
Одан кейін бала анасын жоғары қойса, оған еш ренжудің қажеті жоғын айтты. Сөзінше, ата-ана разы болуы керек екен.
“Алладан соң анасын жоғары қойса, оған еш ренжімеңіз. Керісінше отбасыңызға үлгі болсын. Ата-ананың разылығы, дұғасы болмаса, жер басып жүрудің өзі күнә шығар. Оған қарсымын дегендер, баласы мен анасын бір-біріне қарсы қойғандар сайтанның азғыруындағы мүсәпірлер дер едім”, – деп ашуланып қалды Гүлзира Үсенқызы.