RUS
SMARTNEWS.KZ басылымының хабарлауынша, Қасиетті Рамазан айында желіге танымал имам Нұрлан Байжігітұлы елде болмаған рекорд орнатты.
Ырыскелді мешітінің имамы 13 мың адам бас қосқан тікелей эфирде ұлттық салт-санамызды дәріптеуге тырыстым дейді. Эфирдегі оқиғаға байланысты Нұрлан Байжігітұлы SMARTNEWS.KZ басылымына пікір білдірді.
«Бұл менің жылдағы жұмысым. Ораза айында таңғы сәресінің алдында осындай халыққа түсіндіру жұмысын, ұлттық салт-санамызды, құндылығымызды дәріптеп отырып, тікелей эфир өткіземін. Енді халықтың пікірі осы. Мынау 13400-дей адам сол бір мезгілде тыңдап отырған сәт қой. Қазіргі әлеуметтік желінің құдіретін, оның деңгейін көрсететін бірден бір көрсеткіш шығар.
Халықтың ниеті. Осынша уақыт бір мезгілде тыңдау – біздің Қазақстанда мешітте жоқ-ау, бір мезгілді осындай мүмкіншілік. Сондықтан біздің барлық дін қызметкерлері дерлік осындай әлеуметтік желінің күшін көмегін пайдалану керек деп есептеймін», – дейді Нұрлан имам.