RUS
Көрсетілім «Әсем fashion» қалалық байқауының бір бөлігі болды. Жоба екі кезеңді қамтыды. Бірінші кезең 60 минут ішінде бар құралдарды пайдаланып, сәнді әшекей жасаса, екінші кезеңде – өз ұлттық нақыштағы топтамаларынтаныстырды.
Наурызнаманың онкүндігі аясында Ұлттық киім күніне орай болған іс-шаражайлы Астана қаласы Нұра ауданы әкімінің орынбасары Алия Әбсеметовабылай деп сөз сөйледі:
“Жас дизайнерлерді қолдау және ұлттық стильге деген қызығушылықты дамыту қаланың мәдени саясатының маңызды бөлігі болып табылады. Бүгінгі іс-шара - дәстүрлі мотивтердің заманауи трендтермен қалай үйлесетінін көрсетеді. Студенттер қолөнерді игеріп қана қоймай, мәдени мұраға жаңа көзқарас әкелетіні қуантады,” - деді Алия Әбсеметова.
Айта кетерлік жайт, шараға елордалық алты колледж қатысты. Атап айтқанда Қ.Құлажанов атындағы Қазақ технология және бизнес университетінің колледжі, Менеджмент, бизнес және білім колледжі, Менеджмент колледжі, Қоғамдық тамақтандыру және сервис колледжі, Кәсіптік-техникалық колледж және Технологиялық колледжі шығармашылық өнерлерімен тәнті етті.
Автор: Жансая Нұрымханова