RUS
SMARTNEWS.KZ басылымының хабарлауынша, осыған дейін Ресей мен АҚШ президенттері телефон арқылы сөйлесті. Президенттер Украина аймағында қалыптасқан жағдай туралы пікір алмасты. Бұл туралы Kazinform агенттігінің меншікті тілшісі жазды.
Владимир Путин Дональд Трампқа атысты тоқтату мақсатының орындалуына ықпал етуге деген ұмтылысы үшін ризашылығын білдірді.
Хабарламада Путин Дональд Трамптың 30 күндік энергетикалық инфрақұрылымға шабуыл жасамау жөніндегі бастамасына қолдау білдіріп, бірден әскерге тиісті бұйрық берді.
Сонымен қатар ол 19 наурыз күні «175 на 175» форматында кепілдегі сарбаздар алмастырылатынын хабарлады. Мәскеу ауыр жараланып, Ресей ауруханаларында ем алып жатқан 23 украин сарбазын еліне қайтаратынын айтты.
АҚШ пен Ресей Украинадағы шиеленісті реттеу үшін сарапшылар тобын құрмақ.
Көшбасшылар сонымен қатар халықаралық деңгейдегі мәселелерді талқылады. Оның ішінде АҚШ-тың хуситтерге қарсы операция жүргізіп жатқан Қызыл теңіз бен жалпы Таяу Шығыстағы жағдай да бар.
- Шиеленіс аймақтарындағы жағдайды тұрақтандыруға, ядролық қаруды таратпау мен жаһандық қауіпсіздікті қамтамасыз етуге бірлесіп, күш жұмылдырылады. Бұл ресейлік-америкалық қарым-қатынастарды оңалтуға ықпал етеді, - делінген Кремль хабарламасында.
Путин шиеленісті бейбіт жолмен шешуге бейіл екендігін білдіріп, осы бағыттағы шешімдерді АҚШ-пен бірге бүге-шігесіне дейін дайындауға дайын екенін жеткізді және бұл шешімдер кешенді, тұрақты және ұзақмерзімді болуы керек.
Тараптар сонымен қатар екіжақты қарым-қатынасты жетілдіруге мүдделі екендіктерін мәлімдеді. Президенттер осы талқыланған мәселелер бойынша байланыста болуға келісті.