Трамп өзінің «онша емес» портретін Капитолийден алып тастауды талап етті
Ешкім өзінің нашар шыққан суретін ұнатпайды ғой дейді Трамп.
SMARTNEWS.KZ басылымының хабарлауынша, Дональд Трамп Колорадо штатының капитолийіндегі АҚШ президенттері галереясында ілінген, суретші Сара Бордманның қылқаламынан шыққан өзінің портретін сынға алды.
Ешкім өзін нашар шыққан фотосуреттерді немесе картиналарды ұнатпайды, бірақ Колорадо губернаторы капитолийде барлық басқа президенттермен бірге қойған менің портретім әдейі бұрмаланған, мен бұған дейін мұндайды көрмеген де шығармын, – деп жазды республикашыл саясаткер TruthSocial әлеуметтік желісінде.
Трамптың айтуынша, сол суретшінің Барак Обаманың портреті "керемет көрінеді", ал өзі бейнеленген туынды "барлығынан да нашар". Ол суретшінің "жас ұлғайған сайын талантынан айырылған болуы мүмкін" деп санайды. Сондай-ақ Трамп "Колорадо тұрғындары портретке шағымданып, оған хабарласып, хат жазғанын" айтты.
АҚШ-тың бұрынғы президенті Колорадо губернаторы, демократ Джаред Полисті "солшыл радикал" деп атап, оны қылмыспен күресе алмады деп айыптады және портретті алып тастауды талап етті.
Джаред ұялсын! – деп түйіндеді Трамп.
Материал авторы
