RUS
Басқарманың мәліметінше, 10 наурыздағы жағдай бойынша Алматы қаласында 213 жанармай құю станциясы (ЖҚС) істеп тұр.
Оның ішінде ірі желілер (Гелиос, РП, Синойл, ҚазМұнайГаз, Петрол Азия, Газпромнефть) бойынша 176 ЖҚС бар. Ол 80% құрайды.
Алматы қаласы бойынша дизельді жанармайдың орташа бағасы - 230 теңге, АИ-92 маркалы бензин – 180 теңге, АИ-95 – 214 теңге.
Дизельді жанармайдың тәуліктік қажеттілігі - 900 тонна.
Бүгінгі күні жанармай құятын ірі желілер мен мұнай базаларында шамамен 11 мың тонна дизельді жанармай бар.
Алдағы 3-4 күн ішінде тағы 4,7 мың тонна дизель отыны жеткізіледі деп күтіліп отыр.
«Алматы қаласында дизель тапшылығы жоқ. Дегенмен, қаланың кейбір ЖҚС-тарында дизельді жанармайдың жетіспеушілігі байқалады. Ол өзінің жеке мұнай базасының болмауы мен зауыттардан алдын ала сатып алуға байланысты болып тұр. Бұл ретте жанармай бекеті иелерімен кездесу өткізілді. Шара барысында заңдастырылған наурыз айына арналған көлем жетпейтін дизельді жанармай көлемін жабатыны белгілі болды. Сондай-ақ қалалық кәсіпкерлік және инвестиция басқармасы жанармай тапшылығына жол бермеу мәселесі бойынша ЖҚС өкілдерімен кеңес өткізді», - деп хабарлады ведомстводан.