RUS
SMARTNEWS.KZ басылымының хабарлауынша, танымал әнші, актриса Меруерт Түсіпбаева IELTS-тан жоғары балл жинаған Мақпал Жүнісованың қызын мақтады. Бұл туралы Stan.kz жазды.
Мерей Заманбекқызы ағылшын тілінен тест тапсырып, 8.5 балл жинаған еді.
Өнер иесінің сөзінше, сахнада жүрген әйел адамдар бала тәрбиесіне дұрыс көңіл бөлмей қалатын көрінеді."Баламды жалғыз өсірдім. Ұл баланы мүмкін қызды да әрдайым дұрыс жолға салып отыру керек. Тіпті кейде ұрсып, кейде алдап жетелеуге тура келеді. Қазіргі балаларда азғыру көп қой. Біздің бала күнімізде, ата-анамыздың бақытына орай, смартфондар мен гаджеттер болмады", – деп бастады әңгімесін әнші.
“Мен – өнер адамымын. Соған қарамастан балама "Саған сүйеу болар әкең жоқ, бірақ білімің болса, сен ең мықты адамсың. Сенің бойыңа сіңірген білімді ешкім тартып ала алмайды" деп айтып келемін. Бала тәрбиелеу оңай шаруа емес, ол үлкен жауапкершілікті талап етеді. Бір ғана балам болса да, оның саналы, сапалы, білімді болып өсуі үшін табандылық таныттым. Кеше Мерейдің жетістігі туралы естіп, қатты қуандым. Бұл Мерейдің ғана емес, ең алдымен оның анасы Мақпал Жүнісованың жеңісі! IELTS емтиханында кейбір университет оқытушылары 5 балл алып, мәз болып жатады. Ал ең жоғары көрсеткіш 9 балл екенін білесіздер", – деп жазды ҚР еңбек сіңірген қайраткері.