RUS
SMARTNEWS.KZ басылымының хабарлауынша, жақында Алматы Онкологиялық орталығының хирургтары үлкендігі грейпфруттай қалқанша безі ісігін алып, жоғары технологиялық отаны сәтімен атқарды.
Белгілі болғандай, науқас өңеші қысылып, тыныс алуы қиындағаннан кейін дәрігерлерге жүгінген.
Өз кезегінде мамандар қалқанша безі ісігінің көлемі 10 сантиметрге жетіп, мойын бұлшықетіне қарай өсіп, лимфатүйінінде метастаздық зақымданулар пайда болғанын анықтаған.
Ота екі сағатқа созылған.
"Ота ашық тәсілмен жүргізілді. Ісікке байланысты қатты ығысқан қайтарымды көмей жүйкелерін бөліп алып, дауыс функциясын сақтап қалуға мүмкіндік туды. Қалқанша безі толығымен алынып тасталып, мойын лимфадиссекциясы жүргізілді", – дейді Алматы онкология орталығының хирургы Шыңғыс Сатымбаев.
Мұнымен қоса, отадан кейін жағдайы жақсы науқас үйіне шығарылған.
Мамандар мұндай қатерлі ісіктерді асқындырмай анықтаса, оны емдеу әлдеқайда жеңіл болатындығын тағы да еске салды.