RUS
SMARTNEWS.KZ басылымының хабарлауынша, Жетісу облысы прокуратурасы педофилдің өмір бойына бас бостандығынан айырылуына қол жеткізді.
Өткен жылдың тамызында K. есімді сотталушы 12 жасар қыз жатқан үйге кіріп, сексуалдық сипаттағы зорлық-зомбылық әрекеттерін жасаған.
Сол күні ол ұсталып, қамауға алынды. Оның үстінен Қылмыстық кодекстің 121-бабының 4-бөлігі “Сексуалдық сипаттағы зорлық-зомбылық әрекеттері” деген айып тағылды.
Алайда Жетісу облысының қылмыстық істер жөніндегі мамандандырылған ауданаралық соты айыпталушының әрекетін жыныстық қол сұғылмаушылыққа қарсы қылмысқа оқталу деп қайта саралап, оны небәрі 15 жылға бас бостандығынан айырды.
Прокуратура апелляциялық шағым түсіріп, бұл үкімді өзгертті. Нәтижесінде кінәлі өмір бойына бас бостандығынан айыру жазасына кесілді. Үкім заңды күшіне енді.