RUS
SMARTNEWS.KZ басылымының хабарлауынша, Семейде қаскөйлер итті шынжырмен ағашқа асып қойып, жануардың азаппен өлгеніне қарап тұрған. Бұл туралы КТК арнасы жеткізді.
Иттің ағашқа асылып тұрған сәтін тұрғындар байқап қалған. Алайда ол кезде тым кеш еді. Полиция куәгерлерден көмек сұрады.
“Мұнда оның ұзақ уақыт бойы азапталғанын көруге болады. Мынаның бәрі шынжырмен жұлынған. Алдымен мұнда бұғалық (буындыратын арнайы жіп) салған, содан кейін осы жерден тартқан. Салдарынан ол асылып, өлген”, – дейді полиция қызметкері.
Итті көше бойындағы өндірістік базалар маңындағы бұталардың арасындағы жерде азаптаған. Ит ағашқа байланған күйі табылған. Иттің өз бетімен босап шығуға еш мүмкіндігі болмаған. Ит аман қалуға тырысқан. Оны ағаштың жұлынған қабығынан байқауға болады. Оқиға орнына аудандық полиция бөлімінің қызметкерлері барған. Қазір куәгерлерден жауап алынып, оқиға куәгерлері іздестіріліп жатыр. Жедел топтар жақын маңдағы бейнебақылау камераларының жазбаларын тексеру жұмыстары жалғасып жатыр.
“Аталған факт бойынша қылмыстық кодекстің 316-бабы 2-бөлігі (Жануарға қатыгездікпен қарау, оның өліміне әкеп соққан іс-әрекеттер) бойынша Затон полиция бөлімінде тіркелді. Аталған құқықбұзушылыққа қатысы бар тұлғаларды анықтау шаралары жүргізіліп жатыр”, – деді Абай облысы Полиция департаментінің анықтау басқармасының бастығы Талғат Еліков.