RUS
SMARTNEWS.KZ басылымының хабарлауынша, Габон құрамасының шабуылшысы және Түркияның "Хатайспор" клубының бұрынғы футболшысы Аарон Бупендза Қытайда 11-қабаттан құлап, қайтыс болды.
Оқиға Қытайдың Чжэцзян провинциясында тіркелген. Қайғылы жағдайдан кейін Қытай билігі дереу тергеу жұмыстарын бастап кетті. Алғашында БАҚ-та Бупендзаның ағасымен жанжалдасып қалғаны, содан кейін ағасы оны терезеден итеріп жібергені туралы болжам тараған еді. Алайда, тергеу нәтижесінде бұл мәлімет расталмай, оқиға орнында бөгде адамның араласуы анықталмағаны хабарланды.
28 жастағы футболшы қайтыс болар алдында "Чжэцзян" клубының жаттығуына себепсіз келмей қалған. Команда оның қайда екенін білуге тырысқанымен, онымен байланыс орната алмаған. Аарон Бупендза Қытайға дейін Түркияның "Хатайспор" клубында ойнаған. Ол сондай-ақ Габон ұлттық құрамасының негізгі шабуылшыларының бірі болған.
Қазіргі мәлімет бойынша, футболшы 11-қабаттан құлап кеткен, және бұл оқиға бойынша үш негізгі нұсқа қарастырылған: өз-өзіне қол жұмсау, абайсызда құлап кету немесе қасақана итеру. Алайда соңғы нұсқа бойынша дәлелдер табылмаған. Тергеу нәтижесінде бұл трагедияда бөгде күштің араласуы жоқ екені анықталды. Бұл жағдай футбол әлемінде үлкен қайғыға себеп болды.