Шерзат Болаттың досы неге оқиға орнынан қашып кеткенін түсіндірді

SMARTNEWS.KZ басылымының хабарлауынша, сот отырысында Шерзат Полаттың досы Мирас Сейсенбай куәгер ретінде жауап беріп жатыр. 

“Бір ауылда тұрамыз, бұрыннан танимын. Сотталушыларды танымаймын. Оқиға болған күні кешке Ахмет хабарласып, дүкенде Шерзат зат тасуға көмек сұрап шақырып жатқанын айтты. Сыртқа шыққан соң бір еулермен ерегісіп қалғанын жеткізді. Дүкенге барғанда Шерзат болмады. Қаржаубай аға мен Нұрқанат және екі аға болды. Бізге Нұрқанат аға Шерзатқа хабарласыңдар, қол алысып, кешірім сұрап, қайтсын деді. Біз хабарластық. Артынша көлікпен адамдар келді. Біз келгенде Golf болды, кейін Hyundai көлігінен үш адам түсті. Mercedes-тәі артынан үш еркек, екі әйел, алдынан екі адам түсіп, мән-жайды естімей, Ахметті ұрды. Біреуі келіп, Ахметті сен ұрдың ба, дейді. Ахмет, жоқ деді. Сол кезде оның бет тұсынан ұрды. Мені біреуі келіп ұрды. Арыққа құлап кеттім. Олардың қолына қарап, пышақ көрдім. Сосын қашып кеттік”, – дейді куәгер.

Куәгер жанжал басталған соң қашып, кейін қайта келгенін жеткізді. 

“Нақты кім айтқанын білмеймін, “қашыңдар” деген дауыс естідім. Сосын досымды алып қаштым. 15 минуттан соң қайта келдік. Дүкен жанынан Шерзаттың әжесін көрдік. Көп адам тұр. Жердің бәрі қан”, – дейді куәгер.