RUS
SMARTNEWS.KZ басылымының хабарлауынша, 17 жыл бойы құлдықта болған Назгүл мен Құндызға сыйға берілген баспананы блогер Ілияс Сәриев сатып жібергені анықталды. Бұл туралы Руслан Өтепбай YouTube арнасында белгілі болды.
Айта кетсек, 2023 жылдың қыркүйек айында блогер жігіт қыздарға баспана сыйлаған. Ал журналист Руслан Өтепбай болса, сыйға берілген үйдің құрылысы қашан бітетінін білу үшін Алматы облысы Қарасай ауданы Кемертоған ауылына барып қайтқан.
«Аталған жердегі құрылысшылар үйді Марсбек деген кісіге сатылғанын және жөндеу біткен соң қонақүй болатынын айтқан. Krisha.kz сайтында Құндыз бен Назгүлге берілу тиіс баспана 45 млн теңгеге сатылымға шығарылған», – дейді журналист.
Еске салайық, 2022 жылдың жазында блогер «Елге көмек» қайырымдылық қорының атынан Алматы облысы, Қарасай ауданы, Кемертоған ауылынан 10 мұқтаж жанға тегін баспана береміз деп, елден садақа жинаған.