RUS
SMARTNEWS.KZ басылымының хабарлауынша, қалалық мектептердің бірінде оқитын тоғызыншы сынып оқушысы заңсыз түрде көлік салонына кіріп, 5 мың теңге мен Samsung Galaxy A23 ұялы телефонын ұрлап кеткен. Көлік иесі келтірілген жалпы шығынды 75 мың теңгеге бағалаған. Бұл туралы облыстық соттың баспасөз қызметі жазды.
Айта кету керек, жасөспірім алғаш рет қылмыстық құқықбұзушылық жасап отыр. Ол толық отбасында тәрбиеленіп жатыр, әрі үйінде одан басқа тағы екі бала бар.
Оқушы білім алатын мектептің мәліметінше, ол биыл басқа мектептен ауысып келген, сыныптастарымен араласпайды, сабаққа жиі кешігеді, үлгерімі орташа. Сотта баланың анасы ұлының тәртібі мен оқуын қадағалауға уәде беріп, оны спорт секцияларына жаздырып, бос уақытын тиімді ұйымдастыру үшін барлық шараны қабылдайтынын айтты.
Айыпталушы мен оның заңды өкілі сот залында жәбірленушіден кешірім сұрады. Айтпақшы, келтірілген шығын өтелген, ал жәбірленуші қылмыстық істі тоқтатуға қарсы болмады.
– Кәмелетке толмаған құқықбұзушыларға қатысты әділеттілік тек жәбірленушілердің заңды мүдделерін қорғауға ғана емес, сонымен қатар қабылданатын шаралар істің мән-жайына, құқықбұзушының жеке басының ерекшеліктеріне, өмір сүру және тәрбиелену жағдайларына барынша дара көзқараспен қарауды қамтамасыз етуі тиіс, – деп атап өтті Батыс Қазақстан облыстық сотында.
Осылайша, сот жасөспірімге қатысты қылмыстық істі тоқтатты.
Сот үкімі заңды күшіне енді.