RUS
SMARTNEWS.KZ басылымының хабарлауынша, еркін күрестен әлем чемпионы, танымал палуан Ризабек Айтмұхан өмірлік серігін тауып, шаңырақ көтерді. Үлкен салтанатты той Астана қаласында өтті.
Бұл қуанышты сәттен бейнежазба жариялаған блогер Иван Червинский Instagram парақшасында әсерімен бөлісті.
«Бүгін әлемнің ең үздік жаттықтырушыларының бірі саналатын Қанат Жолдасбаев, сонымен қатар чемпион ұлын тәрбиелеген ардақты әке ретінде, үлкен той өткізді. Ол ұлы — елге танымал спортшы, ақжарқын әрі зиялы азамат Ризабекті үйлендірді.
Астанада өткен осы мерекелік кешке Қазақстан мен шетелдің спорт саңлақтары да жиналды. Той ерекше әсерлі өтті.
Той иесі – Солтүстік Қазақстан облысындағы Қызылту ауылынан шыққан, еліміздің мақтанышы, еркін күрестен әлем чемпионы атағын алғаш иеленген қазақ балуаны Ризабек Қанатұлы.
Сол себепті мен оның өміріндегі осындай маңызды әрі тарихи сәтке куә болғаныма өте қуаныштымын. Енді оның өміріндегі жауапкершілік те арта түспек. Жас жұбайларға мол бақыт, мықты денсаулық және баянды өмір тілеймін», – деп жазды блогер тойдан түсірілген видеосының сипаттамасында.
Айта кетейік, Ризабек жүрегінің ханшайымы ретінде Фируза есімді гимнаст қызды таңдаған. Қалыңдық – спорттық гимнастикадан спорт шебері.
Еске салсақ, Ризабек Айтмұхан 2023 жылы Белградта өткен әлем чемпионатында 92 келіге дейінгі салмақта топ жарып, ел тарихында еркін күрестен әлем чемпионы атанған алғашқы қазақ балуаны атанған болатын.