RUS
Қазақстанда Google for Education экожүйесін енгізу бойынша пилоттық жоба басталды. Жобаның іске асырылуы Білім беру саласын тұрақты дамыту қоры мен Google компаниясы арасындағы келісімнің арқасында мүмкін болып отыр. ҚР Оқу-ағарту министрлігі жобаға қолдау көрсетеді.
Жобаның алғашқы кезеңінде еліміздің 16 аймағынан 20 ауыл мектебі экожүйеге қосылады. Ал олардың бесеуі алдағы 3 жылда Google ReferenceSchool мәртебесін алады. Google Reference School – оқу кеңестіктерінің цифрлық трансформиясының халықаралық стандарты.
Жобаға қатысатын әр сынып Google for Education платформасына қол жеткізе алады. Платформа келесі мүмкіндіктерді береді:
Сурет: furo.kz
Жоба аясында 200-ден астам мұғалім оқытудан өтіп, Google Educator халықаралық мәртебесіне ие болады:
«Google for Education ұстаздарды алмастырмайды. Ол оқу процесін автоматтандыруға көмектеседі, оқу контентін құру процесін жеңілдетеді, тапсырмаларды дайындау мен тексеруге уақытты үнемдейді, оқытуды жекелендіреді және білім беру процесінің барлық қатысушыларының цифрлық құзыреттерін кеңейтеді,» - деп атап өтті Білім беру саласын тұрақты дамыту қоры өкілдері.
Өрел ауылындағы орта мектеп – Google платформасына толыққанды қосылатын алғашқы мектеп. AITAS холдингінің демеушілігімен мектеп арнайы дербес Chromebook форматындағы ноутбуктерімен жабдықталып, Google Workspace-ке қол жеткізеді. Жергілікті атқарушы органдар Интернетке тұрақты қосылуды қамтамасыз етеді.
Айта кетейік, бүгінде әлемде 50 миллионнан астам оқушылар мен оқытушылар Chromebook-ті білім беру мазмұнын құру, бірлесіп жұмыс істеу және байланыс орнату үшін пайдаланады. 2021 жылы Chromebook бастауыш және орта мектептегі үздік оқу құралы ретінде танылды.
Аталмыш бағдарлама Білім беру саласын тұрақты дамыту қорының стратегиялық мақсаттарының бірі – ауыл мен қала оқушылары арасындағы білім деңгейіндегі айырмашылықты азайту бағытындағы маңызды жоба болады.