RUS
SMARTNEWS.KZ басылымының хабарлауынша, 23 сәуір күні елордадағы «Капитал Парк» тұрғын үй кешенінің ауласында, Әл-Фараби көшесінде 38 жастағы жүргізуші велосипед теуіп жүрген 6 жасар баланы қағып кеткен. Бала алған жарақаттарынан ауруханада көз жұмды.
Қайғылы жағдай туралы ақпарат “Астана - Что? Где? Когда?" Telegram арнасында тарады.
“Жүк көлігі тағы да баланы басып кетті. Көлік баланы үйлердің арасындағы жолдбасып өлтірген”, – деп жазды автор.
Қалалық полиция депратаменті болған жағдайды растап, кәмелетке толмаған баланың өліміне қатысты қылмыстық іс қозғалғанын мәлім етті.
“Алдын ала мәлімет бойынша, 38 жастағы жүргізуші Dongfeng маркалы автокөлікті басқарып келе жатып, Әл-Фараби көшесі бойындағы аула аумағында қауіпсіздікке көз жеткізбей, 6 жастағы велосипед теуіп жүрген баланы қағып кетті. Бала бірден ауруханаға жеткізілді”, – деді полиция департаментіндегілер.
Алайда жеткіншек жарақат салдарынан ауруханада көз жұмған.