RUS
SMARTNEWS.KZ басылымының хабарлауынша, Қытайда әйел күйеуінің көңілдесімен болған сәтін жасырын түсіріп, желіге жүктеген.
Қытайдың Гуанси-Чжуан автономиялық ауданында тұратын әйел күйеуінің өзге әйелмен болған интим сәттерін жасырын камера арқылы түсіріп, видеоларын әлеуметтік желіге жариялаған. Бұл туралы South China Morning Post басылымы мәлімдеді.
Оқиға 2023 жылдың тамыз айында басталған. Ван есімді әйел өз сүйіктісімен жиі кездесетін үйде жасырын камера орнатылғанын байқап қалған. Көп ұзамай белгілі болғандай, бұл құрылғыны ер адамның әйелі — Ли есімді келіншек туыстарының көмегімен орнатқан.
Ли әлеуметтік желілерге күйеуінің опасыздығын әшкерелейтін бейнежазбаларды жүктеп, астына түрлі пікірлер қалдыра бастаған. Бұл роликтер желіде кең тарап, жұртшылықтың назарын аударды.
Алғашында Ван полицияға жүгінген. Тәртіп сақшылары Ли-ге бейнематериалдарды өшіруді сұрағанымен, ол бас тартқан. Содан кейін Ван сотқа арыз түсіріп, Ли-ден бейнелерді жоюды және жеке өмірге қол сұққаны үшін өтемақы төлеуді талап еткен. Алайда сот барысында Ли бұл үйді күйеуі жалдағанын және камераны орнату себебі – баласының қауіпсіздігіне алаңдаушылық болғанын алға тартты.
2024 жылдың сәуірінде сот Ли-дің әрекеті Ванның жеке өмір құқығын бұзғанын мойындап, барлық интим жазбаларды өшіру туралы шешім шығарды. Дегенмен, Ванның өтемақы талаптары қанағаттандырылмады. Соттың пікірінше, ол да ар-ожданға қайшы әрекет етіп, үйлі-баранды ер адаммен қарым-қатынасқа әдейі барған.