RUS
SMARTNEWS.KZ басылымының хабарлауынша, Ыстамбұлда болған жер сілкінісі кезінде өзбекстандық азамат қаза тапты. Алдын ала мәлімет бойынша, оның өліміне қатты стресс салдарынан болған жүрек талмасы себеп болған. Бұл туралы Өзбекстанның Ыстамбұлдағы Бас консулдығы хабарлады.
Қайғылы оқиға 23 сәуір күні тіркелген. Сол күні Түркияның ірі мегаполисі Ыстамбұлда магнитудасы 6,2 балдық жер сілкінісі болып, жүзден аса адам түрлі жарақат алды. Көпшілік үрейден терезе мен балкондардан секіріп, жарақаттанған.
Қаза тапқан азамат жер сілкінісі кезінде көпқабатты үйдің жоғарғы қабатында болған. Куәгерлердің айтуынша, ол қатты қорқыныштан кейін өзін жайсыз сезініп, есінен танып қалған. Дәрігерлер оның жүрек жеткіліксіздігінен көз жұмғанын анықтады.
Қазір марқұмның денесін елге жеткізу үшін Бас консулдық тиісті құқықтық және ұйымдастырушылық шараларды жүргізіп жатыр.