RUS
SMARTNEWS.KZ басылымының хабарлауынша, Оңтүстік Кореяда қарулы оқушы мектепке шабуыл жасап, алты адам зардап шекті. Бұл туралы Yonhap агенттігі мәлімдеді.
Оқиға Сеулден оңтүстікке қарай 110 шақырым жерде орналасқан Чхонджу қаласында болған. Шабуыл жасаған оқушы мұғалім мен бес оқушыны бет және іш тұсынан жарақаттаған. Абырой болғанда, олардың өміріне қауіп төніп тұрған жоқ. Зардап шеккендердің ешқайсысының жағдайы ауыр емес.
Шабуылдан кейін күдікті жақын маңдағы су қоймасына секірген, алайда ол құтқарылып, ауруханаға жеткізілді. Қазіргі уақытта полиция мен тергеушілер оның бұл әрекетке бару себептерін және оқиғаның мән-жайын анықтап жатыр.