RUS
SMARTNEWS.KZ басылымының хабарлауынша, Ресейдің Пермь өңірінде иттер талаған инженер жансақтау бөлімінен бір-ақ шықты.
15 сәуір күні 35 жастағы Андрей Б.-ға жұмысқа бара жатқан жолда екі питбуль ит тап беріп, қолдары мен ішінен ауыр жаралаған. Оқиға куәгерлері иттерді таспен, таяқпен үркітуге тырысқанымен, тек бір зауыт жұмысшысы өрт сөндіргіштің көмегімен оларды ажыратқан. Инженер ауыр жағдайда ауруханаға жеткізіліп, үш сағатқа созылған ота жасалды. Оның сол қолы қатты зақымданған.
Бір аптадан кейін дәрігерлер Андейді үйіне шығарып жіберді. Алайда оның жағдайы күрт нашарлап, денесінде бөртпелер шығып, 24 сәуірде жедел жәрдеммен қайта ауруханаға жеткізілді. Қан сараптамасы бойынша оның креатинин деңгейі қалыпты мөлшерден 20 есе жоғары болғаны анықталып, дереу жансақтау бөліміне ауыстырылды. Дәрігерлер дереу гемодиализ бастаған.
Виктория күйеуін уақытынан бұрын ауруханадан шығарған дәрігерлердің әрекетіне наразы. Ал Граль ауруханасының мамандары дер кезінде араласып, оның өмірін сақтап қалған. Дәрігерлердің айтуынша, бүйрек қызметінің бұзылуына инфекцияға қарсы қабылдаған антибиотиктер немесе құтыруға қарсы екпе себеп болуы мүмкін.
Зардап шеккен отбасы иттердің иесімен байланысқан. Ол иттерінің барлық екпелері толық екенін және қажетті құжаттарды тергеушіге тапсырғанын мәлімдеді. Қазір бұл жағдай бойынша жергілікті денсаулық сақтау басқармасы тексеріс жүргізіп жатыр.