«Маникюрден шыққан»: теміржол станциясының маңынан зейнеткердің мәйіті табылды

SMARTNEWS.KZ басылымының хабарлауынша, Ресейдің Екатеринбург маңында зейнеткер әйел өлі күйде табылды.

Екатеринбург маңындағы теміржол станциясынан табылған зейнеткердің өлімі жұртты шошытты. Қанды оқиға күні бүгінге дейін беймәлім жұмбақ күйде қалып отыр.

63 жастағы Тамара Грибанованың мәйіті 26 сәуір күні күндіз Чапаевская теміржол станциясынан табылған. Артемовск қаласының тұрғыны сол күні таңертең маникюр жасатуға Свердлов облысының орталығына келген. Сән салонынан кейін ол Белояр ауданына қарасты Кочневское ауылындағы құрбысының туған күніне бармақ болған. Бірақ сол жол — соңғы сапары болды.

Марқұмның денесінде бес пышақ жарасы анықталған. Алайда тергеушілер бұл қылмысты қарақшылық мақсатта жасалды деген нұсқаны жоққа шығарып отыр: зейнеткердің не әшекей бұйымдары, не ұялы телефоны, не ақшасы ұрланбаған.

— Оқиға орнын мұқият тексердік. Барлық қажетті үлгілер алынды. Қазір бірқатар сот-криминалистикалық сараптама тағайындалды.

Тасымал полициясымен бірлесе отырып, қылмыстың барлық жай-жапсарын анықтауға бағытталған тергеу және жедел іздестіру шаралары жүріп жатыр — деп мәлімдеді Ресейдің Көлік істері бойынша тергеу комитеті.

Бейресми ақпарат бойынша, бұл қанішерлік тұрмыстық жанжалдан туындауы мүмкін. Қарақшылық немесе басқа материалдық мақсат көзделмегені белгілі. Яғни, өлтірушінің әрекеті – ашулы сәтте жасалған өш алу немесе жеке араздықтың салдары болуы ықтимал.

Тамара Грибанованың үйіне учаскелік полиция қызметкері келгенде ғана туыстары қайғылы жайттан хабардар болған. Артында ұлы, қызы мен немерелері қалды. Тергеу комитеті әзірге ресми түсініктеме бермей отыр. Қылмыскер әлі ұсталған жоқ.